Baïa! Nosautri volem far lhi espós… mi fau l’esposa!
Un film documentari de Paolo Ansaldi
Lo film venerè projectat a Vaudier, al sèti dal Parc, a 21 oras de venre 13 de febrier dins lo quadre des activitacts previstatas da l’esportèl linguísitic occitan d’Espaci occitan, referit a la L. 482/99 “Nòrmas a tutèla des minorança linguísticas istòricas”. Seguirè a la projeccion dal film una presentacion de trabalhs doumentaris referits ai Carnavals alpins, embe una particulara atencion a la Val Dueira contenguts dins lo sector “Enti in rete: L:472/99 – A temp de Lengas” www.chambradoc.it.
La Baïa es una recorrença que tuchi atendon per cinc ans. Bonaür qu’es masque chasque cinc ans, ditz la gent de Sant Pèire, autrament seria impossible réser una tala fatiga, sia per lhi mascles que devon esfilar e la far coma actor, sia per las fremas que devon preparar lhi costums, e enfin per tuchi que per doas diamenjas e un jòus (nuechs compresas) devon (o vòlon) dançar, criar “Baïa!”. Coma aquò én l’atend per cinc ans embe sempre mai d’ànsia e quora arriba lo moment én se campa embe eslanç.
Rievocacion istòrica, Carnaval auténtic, liberatòri, laic, sensa de faus carris arregòrics, vera fèsta populara, la Baïa de Sant Pèire en Val Varacha rèsta una des gairas grandas manifestacions istòricas de nòstras valadas occitanas. Paolo Ansaldi a realizat aqueste documentari durant la Baïa dal 2007, en començant pròpi dal moment ente la populacion, lo jorn de l’Epifania, chama (vera accion democràtica) a lhi Abà di luecs deputats que vòl que vene facha la Baïa. Dal moment que lhi comandants de la Baïa donon lo assens dins lo país, al marchat, dins las familhas se parla masque pus d’aquò: decíder lhi ròtles (a part lhi Alums que son já predeterminats), formar las colas, contiar ai joves chasque mecanisme per que tot vene conoissut e respectat. Lo calendari de Sant Pèire devenon las Baïas (ental 1957 ai fach la premiera, ero sarrasina! Ental 1977 Joan d’ Pritin era Abà. Ent l’ 1972, bonanma de Janet d’ Andreta fasia lo tesorier…).
Parelh an fach las generacions e serèn lor. lhi joves d’encuei, a portar anant la Baïa e a la tramandar.
Produch da Chambra d’òc. Durada 30’’